დიდი ორლესულა ხმალი

ბავშვობაში ვის არ უოცნებია ჯადოსნურ მოგზაურობაზე, ბრძოლებსა და ურჩხულების დამარცხებაზე. "ვუდსი"-ს ხის სათამაშო იარაღებით თქვენი პატარები ადვილად აღმოჩნდებიან თავგადასავლების თავბრუდამხვევ სამყაროში, სადაც მეკობრეები ოქროს ძიებაში აპობენ ზღვის ტალღებს, რაინდები იცავენ მზეთუნახავებს, რობინ ჰუდი კი სამართლიანობისთვის იბრძვის.

"ვუდსი" - ხის სათამაშოების მწარმოებელი ქართული კომპანიაა. იგი წარმოებაში მხოლოდ ბუნებრივ და მაღალი ხარისხის მასალებს იყენებს - არყის ხის ფანერას, თექას, წიფლის და ცაცხვის მერქანს.

"ვუდსი"-ს ხის სათამაშო იარაღები განკუთვნილია როლური თამაშებისთვის, რაც მნიშვნელოვანია ბავშვის წარმოსახვის უნარის განვითარებისა და ფიზიკური აქტივობისთვის. "ვუდსი"-ს სათამაშოებით ხომ ასე მარტივია თავი მამაცი ვიკინგის, თავისუფლებისმოყვარე ინდიელის, მოუხელთებელი სამურაის თუ მრავალი სხვა საყვარელი გმირის როლში წარმოიდგინო. ამისთვის საკმარისია ხელში შესაბამისი სათამაშო აიღო, დაუმატო ფანტაზია და თამაში დაიწყო.